盛朗熙成廣告界寵兒 半年穩袋百萬過肥年

金庸眼中「小龍女」,太陽娛樂文化新人盛朗熙(Joy),出道一年唔只深得金庸、陶傑、倪匡等才子厚愛,還成廣告界新寵兒,半年狂接四廣告,加上兩部電影的酬勞,穩袋百萬過肥年!

 

模特兒出身的Joy,過去半年一口氣接了戶外運動服裝、脫毛及眼鏡廣告等廣告,剛於12月在夏威夷完成電影拍攝的她,一回港便要為護膚品牌IPSA拍攝新廣告。師姐文詠珊(Janice Man)是該品牌代言人,經常向身邊好姊妹推介產品,今次更帶拏師妹搵銀。原來Joy也是IPSA的忠實用家,品牌也睇中Joy氣質及化妝技術,特意找她為全新推出的 “Natural Impact”眼影系列拍攝平面廣告及短片。

 

日前,Joy為IPSA廣告進行拍攝,於上海戲劇學院舞台美術系畢業的她,唔止繪畫叻,化妝技術亦精湛,品牌亦是睇中這點,要求Joy在鏡頭前以潮興selfie方式化妝。Joy更無具以素顏示人,在鏡頭前即席教授隱藏秘技,教大家如何極速畫出完美眼線及眼影。Joy 表示: 「好多女仔畫眼線時好容易手震,其實只要係凹凸不平的眼線上用一個與膚色相融的啡色,便可以遮蓋瑕疵,仲可以拉近眉同眼線的距離,令雙眼更圓大。」

 

成為廣告界新寵兒,Joy表示非常開心,更要感謝Paco的栽培,她說:「出道唔係好耐,但舊年都拍咗兩部電影同幾個廣告,成績算幾滿意了!真係要多謝Paco俾咁多機會我,亦教識咗我好多嘢。2015年除咗希望有更多廣告,亦會專注係演戲方面。一月底會上黃秋生及甄詠蓓老師舉辦嘅第二屆「神戲劇場Dionysus Contemporary Theatre」,希望可以係演技方面有進步,拍多啲唔同類型嘅電影。」

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>